മസ്കറ്: മാർ ഗ്രീഗോറിയോസ് ഓർത്തഡോൿസ് മഹാ ഇടവകയിലെ യുവജന പ്രസ്ഥാനത്തിന്റെ 2017-2018 വർഷത്തിന്റെ പ്രവർത്തന ഉദ്ഘാടനം അഭി. സക്കറിയാസ് മാർ അപ്രേം തിരുമനസ്സിന്റെ മഹനീയ സാന്നിധ്യത്തിൽ നടത്തപ്പെട്ടു. വിശുദ്ധ കുർബ്ബാനക്ക് ശേഷം നടന്ന ഉദ്ഘാടന സമ്മേളനത്തിൽ ഇടവകയുടെ ഭാരവാകികളും, ഭദ്രാസന കൌൺസിൽ അംഗം ശ്രീ. ബോബൻ മാത്യു തോമസ്, പ്രസ്ഥാനത്തിന്റെ സെക്രട്ടറി ശ്രീ. അജു തോമസ്, ജോയിന്റ് സെക്രട്ടറി ശ്രീ. നിബു വർഗ്ഗീസ്, ട്രെഷറർ ശ്രീ. ടിജോ തോമസ്, പ്രസ്ഥാനത്തിന്റെ 2017-18 വർഷത്തെ കമ്മിറ്റി അംഗങ്ങളും മറ്റു പ്രസ്ഥാന അംഗങ്ങളും പങ്കെടുത്ത യോഗത്തിൽ പ്രസ്ഥാനത്തിന്റെ പ്രസിഡന്റ് ഫാ. ജേക്കബ് മാത്യു അച്ചൻ അദ്ധ്യക്ഷത വഹിക്കുകയും വൈസ്. പ്രസിഡന്റ് ഫാ. കുര്യാക്കോസ് വർഗ്ഗീസ് അച്ചൻ ആശംസകൾ അറിയിച്ചും സംസാരിച്ചു. ഈ വർഷത്തെ മെംബർഷിപ് ഉദ്ഘാടനം അഭി. തിരുമനസ്സു ശ്രീ. സിജോ തോമസിനു നൽകികൊണ്ട് നിർവഹിച്ചു. അഭി. തിരുമനസ്സിന്റെ സാന്നിദ്ധ്യവും വാക്കുകളും പ്രസ്ഥാന അംഗങ്ങൾക്ക് ഒരു വലിയ അനുഗ്രഹമായി തീർന്നു എന്നു പ്രസ്ഥാനത്തിന്റെ സെക്രട്ടറി ശ്രീ. അജു തോമസ് തന്റെ നന്ദി പ്രസംഗത്തിൽ അറിയിച്ചു. ഏപ്രിൽ 28-നു നടക്കുന്ന പ്രസ്ഥാനത്തിന്റെ മീറ്റിംഗിൽ 2017 – 18 പ്രവർത്തി വർഷത്തെ ബഡ്ജറ് അവതരിപ്പിക്കും എന്നു പ്രസിഡന്റ് അറിയിച്ചു.