PARISH NEWS
ഇടവക പെരുന്നാളിന് കൊടിയേറി

മസ്കത്ത്: മാർ ഗ്രീഗോറിയോസ് ഓർത്തഡോക്സ് മഹാ ഇടവകയിൽ കാവൽപിതാവായ പരുമല മാർ ഗ്രീഗോറിയോസ് തിരുമേനിയുടെ നൂറ്റിപതിനാറാം ഓർമ്മപെരുന്നാളിന് കൊടിയേറി. നവംബർ ഒന്ന്, രണ്ട് തീയതികളിൽ നടക്കുന്ന പെരുന്നാൾ ശുശ്രൂഷകൾക്ക് സഭയുടെ തൃശ്ശൂർ ഭദ്രാസനാധിപൻ അഭി. ഡോ. യൂഹാനോൻ മാർ മിലിത്തിയോസ് മുഖ്യ കാർമ്മികത്വം വഹിക്കും. ഫാ. ഡോ. കുര്യൻ ഡാനിയേൽ, ഇടവക വികാരി ഫാ. പി. ഓ. മത്തായി, അസ്സോസിയേറ്റ് വികാരി ഫാ. ബിജോയ് വർഗീസ് എന്നിവർ സഹ കാർമ്മികത്വം വഹിക്കും.

പെരുന്നാൾ ആചരണത്തോടനുബന്ധിച്ച് വചന ശുശ്രൂഷ, ഭക്തിനിർഭരമായ റാസ, വിശുദ്ധ മൂന്നിന്മേൽ കുർബ്ബാന, നേർച്ച വിളമ്പ്, ശ്ലൈഹീക വാഴ്‌വ് എന്നിവ നടത്തും.

വചന ശുശ്രൂഷയ്ക്ക് ഡോ. യൂഹാനോൻ മാർ മിലിത്തിയോസ്, ഫാ. ഡോ. കുര്യൻ ഡാനിയേൽ എന്നിവർ നേതൃത്വം നൽകും.

നവംബർ രണ്ടിന് നാല്പത്തിയാറാമത് ഇടവക ദിനാചരണം, ഫെറ്റ് ആൻഡ് സെയിൽ, ആദ്യ ഫലലേലം, ഗാന ശുശ്രൂഷ, വിവിധ കലാപരിപാടികൾ എന്നിവ നടത്തും. പത്താം ക്ലാസ്സിലും പന്ത്രണ്ടാം ക്ലാസ്സിലും ഉന്നത വിജയം നേടിയ വിദ്യാർത്ഥികളെ ആദരിക്കും. നവംബർ നാലിന് ഡോ. സ്തേഫാനോസ് മാർ തേവോദോസിയോസിന്റെ പതിനൊന്നാമത് ഓർമ്മയും അനുസ്മരണവും നടത്തും.

RELATED NEWS
അതു കൊണ്ടു നിങ്ങൾ എന്റെ കല്പനകൾ അനുസരിച്ചു എന്റെ വിധികൾ പ്രമാണിച്ചു ആചരിക്കേണം; എന്നാൽ നിങ്ങൾ ദേശത്തു നിർഭയം വസിക്കും.
- ലേവ്യപുസ്തകം 25:18
നമ്മുടെ കർത്താവായ യേശുക്രിസ്തുവിന്റെ നാളിൽ കുറ്റമില്ലാത്തവരായിരിക്കേണ്ടതിന്നു അവൻ നിങ്ങളെ അവസാനത്തോളം ഉറപ്പിക്കും.
- കൊരിന്ത്യർ 1
യഹോവതന്നേ നിനക്കു മുമ്പായി നടക്കുന്നു; അവൻ നിന്നോടു കൂടെ ഇരിക്കും; നിന്നെ കൈവിടുകയില്ല, ഉപേക്ഷിക്കയുമില്ല; നീ പേടിക്കരുതു, ഭ്രമിക്കയുമരുതു.
- ആവർത്തനം - അദ്ധ്യായം 31: 8
യാചിപ്പിൻ എന്നാൽ നിങ്ങൾക്കു കിട്ടും; അന്വേഷിപ്പിൻ എന്നാൽ നിങ്ങൾ കണ്ടെത്തും; മുട്ടുവിൻ എന്നാൽ നിങ്ങൾക്കു തുറക്കും.
- മത്തായി 7:7