PARISH NEWS
ദു:ഖവെള്ളി ശുശ്രൂഷ

യേശുക്രിസ്തുവിന്റെ ത്യാഗസമരണയിൽ മസ്ക്കറ്റ് മാർഗ്രീഗോറിയോസ് ഓർത്തഡോക്സ് മഹാ ഇടവകയിൽ ദു:ഖവെള്ളി ആചരിച്ചു. പീഡാനുഭവ ശുശ്രൂഷകൾക്ക് അഭി.ഡോ. യൂഹാനോൻ മാർ തേവോദോറോസ് തിരുമേനി മുഖ്യകാർമ്മികത്വം വഹിച്ചു. രാവിലെ 8 മണിക്ക് പ്രഭാത നമസ്ക്കാരത്തോടു കൂടി ആരംഭിച്ച ശുശ്രൂഷ വൈകിട്ട് മൂന്ന് മണിക്ക് കബറടക്ക ശുശ്രൂഷയോടു കൂടി സമാപിച്ചു. കർത്താവിന്റെ പീഡാനുഭവത്തെ അനുസ്മരിച്ച് സ്ലീബ വഹിച്ചു കൊണ്ട് പള്ളിക്കു ചുറ്റുമുള്ള പ്രദക്ഷിണത്തിലും, സ്ലീബാ വന്ദനവിലും , കബറടക്ക ശുശ്രൂഷയിലും നാലായിരിത്തോളം വിശ്വാസികൾ പങ്കെടുത്തു. കബറടക്ക ശുശ്രൂഷനന്തരം വിശ്വാസികൾക്ക് കൈപ്പുനീരും, നേർച്ച കഞ്ഞിയും വിതരണം ചെയ്തു. ഫാ.പി.ഒ മത്തായി ഫാ. ബിജോയ് വർഗീസ് എന്നിവർ ശുശ്രൂഷകൾക്ക് സഹകാർമികത്വം വഹിച്ചു.

RELATED NEWS
അതു കൊണ്ടു നിങ്ങൾ എന്റെ കല്പനകൾ അനുസരിച്ചു എന്റെ വിധികൾ പ്രമാണിച്ചു ആചരിക്കേണം; എന്നാൽ നിങ്ങൾ ദേശത്തു നിർഭയം വസിക്കും.
- ലേവ്യപുസ്തകം 25:18
നമ്മുടെ കർത്താവായ യേശുക്രിസ്തുവിന്റെ നാളിൽ കുറ്റമില്ലാത്തവരായിരിക്കേണ്ടതിന്നു അവൻ നിങ്ങളെ അവസാനത്തോളം ഉറപ്പിക്കും.
- കൊരിന്ത്യർ 1
യഹോവതന്നേ നിനക്കു മുമ്പായി നടക്കുന്നു; അവൻ നിന്നോടു കൂടെ ഇരിക്കും; നിന്നെ കൈവിടുകയില്ല, ഉപേക്ഷിക്കയുമില്ല; നീ പേടിക്കരുതു, ഭ്രമിക്കയുമരുതു.
- ആവർത്തനം - അദ്ധ്യായം 31: 8
യാചിപ്പിൻ എന്നാൽ നിങ്ങൾക്കു കിട്ടും; അന്വേഷിപ്പിൻ എന്നാൽ നിങ്ങൾ കണ്ടെത്തും; മുട്ടുവിൻ എന്നാൽ നിങ്ങൾക്കു തുറക്കും.
- മത്തായി 7:7