സ്ഥാപകത്തിന്റെ 45 ആണ്ടുകൾ പൂർത്തീകരിക്കുന്ന മാർ ഗ്രീഗോറിയോസ് ഓർത്തഡോക്സ് ക്രൈസ്തവ യുവജനപ്രസ്ഥാനത്തിന്റെ നേതൃത്വത്തിൽ മലങ്കര സഭയുടെ 2023-ലെ വിശേഷ ആരാധന ദിവസങ്ങൾ, കാലം ചെയ്ത പരിശുദ്‌ധന്മാർ, മൽപ്പാന്മാർ, മെത്രാപ്പോലീത്തമാർ എന്നിവരുടെ ഓർമ്മദിനങ്ങൾ, നോമ്പു ദിവസങ്ങൾ, പെരുന്നാൾ ദിനങ്ങൾ മുതലായ കാര്യങ്ങൾ പൂർണ്ണമായും ഉൾക്കൊള്ളിച്ചുകൊണ്ട്‌ 2023 വർഷത്തെ കലണ്ടർ പ്രസിദ്ധീകരിച്ചു.
റൂവി സെന്റ്‌. തോമസ്‌ ദേവാലയത്തിൽ വി. കുർബ്ബാനക്കു ശേഷം നടന്ന ചടങ്ങിൽ ആദ്യ കോപ്പി സഭയുടെ ഇടുക്കി ഭദ്രാസ്സനാധിപൻ അഭി. സഖറിയ മാർ സേവേറിയോസ്‌ തിരുമേനി ഡോ. മെഗുജ ജിതിൽ സണ്ണിക്ക്‌-നൽകിക്കൊണ്ട്‌ പ്രകാശനം നിർവ്വഹിച്ചു.
സുവർണ്ണ ജൂബിലി ആഘോഷിക്കുന്ന മസ്കറ്റ് മാർ ഗ്രീഗോറിയോസ് ഓർത്തഡോക്സ് മഹാ ഇടവകയുടെ പരിശുദ്ധ മദ്ബഹ ആണു പശ്ചാത്തലത്തിൽ ഉൾപ്പെടുത്തിയിരിക്കുന്നത്‌. കലണ്ടർ പൂർണ്ണമായും സൗജന്യമായാണ് ഏവർക്കും നൽകുന്നത്
ഇടവക വികാരി ഫാ. വർഗ്ഗീസ്‌ റ്റിജു ഐപ്, സഹ വികാരി ഫാ. എബി ചാക്കോ, ഫാ. സഖറിയ ജോൺ , മഹാ ഇടവക ട്രസ്റ്റി. ശ്രീ. ജാബ്സൺ വർഗ്ഗീസ്‌, സെക്രട്ടറി ശ്രീ. ബിജു പരുമല, കോ. ട്രസ്റ്റി. ശ്രീ. ബിനു കുഞ്ചാറ്റിൽ, യുവജന പ്രസ്ഥാനം വൈസ്‌ പ്രസിഡന്റ്‌ ശ്രീ. ഷിജു കടവിൽ, യുവജന പ്രസ്ഥാനം സെക്രട്ടറി ശ്രീ. ബിപിൻ ബി. വർഗ്ഗീസ്‌, ജോ. സെക്രട്ടറി ശ്രീ. റോബിൻ തോമസ്‌, ട്രഷറർ. ശ്രീ. ജെസ്റ്റിൻ സാമുവേൽ, കലണ്ടർ കമ്മറ്റി കൺവീനേഴ്സ്‌ ശ്രീ. ബിജു ജോൺ തേവലക്കര, ശ്രീ. ജിതിൻ സണ്ണി മുതലായവർ സന്നിഹിതരായിരുന്നു.
