മസ്കറ്റ്: മലങ്കര ഒാര്‍ത്തഡോക്സ് സഭയുടെ പൗരസ്ത്യ മേഖലയിലെ മാതൃ ദേവാലയമായ മാർ ഗ്രിഗോറിയോസ് ഓർത്തഡോൿസ് മഹാ ഇടവകയിലെ ക്രൈസ്തവ യുവജനപ്രസ്ഥാനം ഡിസംബര്‍ 18-ന് നിരവധി ലേബര്‍ ക്യാമ്പുകൾ സന്ദര്‍ശനം നടത്തി. യുവജനപ്രസ്ഥാനത്തിന്റെ സേവന പ്രവര്‍ത്തനങ്ങളുടെ ഭാഗമായി ക്യാമ്പിലെ അംഗങ്ങളോടൊപ്പം കേക്ക് മുറിച്ചു സന്തോഷം പങ്കിടുകയും പ്രസ്ഥാനത്തിന്റെ വകയായി മധുരം വിളമ്പുകയും ചെയ്തു. പ്രസ്ഥാന അംഗങ്ങൾ അവതരിപ്പിച്ച നാടൻ കാരോൾ ക്യാമ്പ് നിവാസികളോടൊപ്പം പ്രസ്ഥാന അംഗങ്ങൾക്കും വേറിട്ട ഒരു അനുഭവമായിരുന്നു.
ഇടവക അസോസിയേറ്റ് വികാരി റെവ. ഫാ. വർഗീസ് കുര്യാക്കോസ്, റെവ. ഫാ. ജിജിൻ ബേബി ഒപ്പം യുവജനപ്രസ്ഥാന അംഗങ്ങളും കുടുംബസമ്മേതം ഈ ക്യാമ്പ് സന്ദര്‍ശനത്തിൽ പങ്കു ചേർന്നു.
