മസ്‌ക്കറ്റ് : മാർ ഗ്രീഗോറിയോസ് ഓർത്തഡോൿസ് മഹായിടവകയുടെ ഈ വർഷത്തെ ഫുഡ് ഫെസ്റ്റിവൽ ഫെബ്രുവരി മാസം 22 വെള്ളിയാഴ്ച വൈകിട്ട് 5 : 30 മുതൽ നടത്തപ്പെടുന്നു. പ്രമുഖ കോമഡി ആർട്ടിസ്റ് പ്രശാന്ത കാഞ്ഞിരമറ്റം നയിക്കുന്ന കോമഡി ഷോ, സുപ്രസിദ്ധ വയലിനിസ്റ്റും വേൾഡ് ഗിന്നസ് റെക്കോർഡ് ജേതാവുമായ M. S Visvanath നയിക്കുന്ന ലൈവ് മ്യൂസിക് എന്നിവ ആഘോഷങ്ങൾക്ക്‌ മാറ്റ് കൂട്ടുന്നു കൂടാതെ ആഘോഷങ്ങൾ മികവുറ്റതാക്കാൻ ഇടവകയിലെ ആത്മീയ സംഘടനകളും കുട്ടികളും മുതിർന്നവരും അവതരിപ്പിക്കുന്ന മനോഹരമായ കലാപരിപാടികളും അണിയറയിൽ ഒരുങ്ങുന്നു.

വിവിധ ഏരിയ പ്രയർ ഗ്രൂപ്പുകളുടെ നേതൃത്വത്തിലുള്ള വൈവിധ്യമാർന്ന വിഭവങ്ങൾ ഒരുക്കിയിരിക്കുന്ന രുചികൂട്ടുകളുടെ കലവറയായ ഫുഡ് സ്റ്റാളുകൾ, യുവജന പ്രസ്‌ഥാനത്തിന്റെ നേതൃത്വത്തിലുള്ള നാടൻ തട്ടുകട, കുട്ടികൾക്കായി ഗെയിം സ്റ്റാളുകൾ എന്നിവ ആഘോഷങ്ങൾക്കു മികവേറുന്നു.

മഹാ ഇടവകയുടെ ഈ വർഷത്തെ ഫുഡ് ഫെസ്റ്റിവലിനെ നിങ്ങളുടെ സാന്നിധ്യ സഹകരണങ്ങൾ കൊണ്ട് വിജയപ്രതമാക്കുവാൻ ഏവരെയും ഫെബ്രുവരി 22 -ന് മഹായിടവക അങ്കണത്തിലേക്ക് ഹാർദ്ദവമായി സ്വാഗതം ചെയ്യുന്നു.